Wanawake Mji wa Kahama wazindua Jukwaa la Uwezeshaji Wanawake Kiuchumi

Imewekwa: March 9th, 2018

Wanawake wa Halmashauri ya Mji Kahama wamezindua jukwaa la uwezeshaji wanawake kiuchumi. Uzinduzi huo umefanyika jana Tarehe 08.03.2018, Siku ya Wanawake Duniani kwenye ukumbi wa Halmashauri ya Mji Kahama.

Akiongea katika uzinduzi huo, Bi. Marry Chima ambaye ni Mratibu wa dawati la Jinsia Mji wa Kahama, amesema kuwa hili jukwaa litakuwa na jukumu la kusimamia shughuli za wanawake za kujikwamua kiuchumi.

"Tunaamini hata Mbuyu ulianza kama mchicha, kwahiyo sisi wamama kupitia jukwaa hiili tutatiana moyo, tutapeana maelekezo, tutaangalia wapi tutaweza kupata elimu ya ujasiriamali, tupate wapi elimu ya uanzishwaji wa viwanda vilivyo bora na hata bidhaa tutakazozalisha tutaziuza wapi" Amesema Mama Chima.

Uzinduzi huo umekutanisha wanawake mbalimbali kutoka taasisi, Vikundi na watu binafsi wanaoishi Mji wa Kahama.