Walimu Chalya kujengewa Nyumba za kuishi

Imewekwa: November 12th, 2020

Ratiba ya Vikao vya Timu ya Wataalamu "CMT" Halmashauri ya Mji wa Kahama imeendelea na leo ilikua zamu ya Shule ya Msingi Chalya iliyopo Kata ya Nyandekwa Wilayani Kahama. 

Kati ya mambo mengi yaliyojadiliwa ni pamoja na kuanza kwa ujenzi wa nyumba za walimu Shuleni hapo. 

Akiongea katika kikao hicho Mkurugenzi wa Mji wa Kahama Ndg Anderson Msumba amesema kuwa ujenzi wa nyumba hizo unaenda kuanza Mara moja na amemuagiza Mhandisi wa Mji kufika hapo kufanya maandalizi ya ujenzi huo. 

Kwa upande wake Mwenyekiti wa Kijiji cha Chalya ameshukuru kwa kikao hiko kufanyika eneo hilo na ameahidi kuhamasisha ujenzi wa Madarasa kwa wananchi.