Wadau wa Elimu Kahama wakutana kujadili Maendeleo ya Elimu, Maazimio ya kufanikisha yafikiwa.

Imewekwa: December 20th, 2017

Uhitaji wa vyumba vya madarasa ni changamoto kubwa katika sekta ya elimu hivi sasa. Kwa kulitambua hilo wadau wa Elimu Mji wa Kahama wamekutana leo kujadili namna gani changamoto hiyo inaweza kutatuliwa. Baada ya mjadala mrefu wadau hao kila mmoja kwa nafasi yake alitoa ahadi ya mchango na pia maazimio 6 yameafikiwa kwa pamoja ambayo ni:

• Kila Kaya ichangie  kuanzia Shilingi 10,000 na kuendelea.
• Vifanyike Vikao vya kushirikisha Wadau  kwa makundi  yao mapema Mfano:Wafanyabiashara, Taasisi za Elimu, Waendesha  Pikipiki.
• Mkurugenzi na Timu yake watembelee Wadau / Mdau mmoja mmoja.
• Mkurugenzi  na Timu yake watembelee  vyombo vya habari vyote vilivyopo Kahama ili kutengeneza jingo ya kuhamasisha uchangiaji Elimu kwa wadau wa ndani na nje ya Kahama.
• Kuaandaa Tamasha maaluum kwa ajili ya uchangiaji Sekta ya Elimu.
• Uchangiaji uwe ni Fedha Taslimu au Vifaa vya Ujenz kadri Mdau anavyoguswa.
• Kila Mkuu wa Idara aunde Kamati ya uhamasishaji ya Kata ambayo haitahusisha wanasiasa, Kamati hiyo ihusishe wafanyabiashara, Watu maarufu, Viongozi wa Dini na Watendaji wa Kata.
• Vikao vya Wadau vipangiwe ratiba.
• Ifanyike tathmini ya shughuli 

Katika taarifa iliyoandaliwa na Mkurugenzi wa Halmashauri ya Mji Kahama kwa Wadau hao inaonesha kuwa Halmashauri ya Mji wa Kahama Mwaka 2017 ilikuwa na jumla ya wanafunzi 69,043 kwa madarasa ya awali hadi la saba. Kulikuwa na mahitaji ya vyumba vya madarasa 1,534, vilikuwepo 618 na upungufu   916. Idadi ya wanafunzi waliohitimu darasa la saba 2017  ni 5,391 na wanaotarajiwa kuandikishwa darasa la awali na la kwanza ni wanafunzi 25,303, Hii ni sawa na ongezeko la  la wanafunzi 19,912, hivyo kufanya upungufu wa vyumba vya madarasa  1,359,Madawati 9,128 na Matundu ya vyoo  796

Pia kwa upande wa Elimu Sekondari Mwaka 2017 ilikuwa na jumla ya wanafunzi 8,721 kuanzia  Kidato cha Kwanza hadi Kidato cha Sita,  Kulikuwa na mahitaji ya vyumba vya madarasa  214, vilikuwepo 161 na upungufu   53. Idadi ya wanafunzi waliohitimu kidato cha Nne Mwaka 2017  ni 1,456 na wanaotarajiwa kusajiliwa Kidato cha Kwanza 2018 ni Wanafunzi 4,184, Hii ni sawa na ongezeko la  la Wanafunzi 2,728 , hivyo kufanya upungufu wa vyumba vya Madarasa  102 ,Viti na meza 2,659 na matundu ya vyoo 348.

GHARAMA ZINAZOHITAJIKA KUONDOA MAPUNGUFU HAYA.

Gharama za madarasa ni za ukamilishi baada ya nguvu za wananchi kujenga boma.

MIKAKATI YA HALMASHAURI

UWEZO WA HALMASHAURI

Halmashauri imetenga kiasi cha Tshs 725,073,031.60  kwenye bajeti yake ya mwaka wa Fedha 2017/2018. Na fedha hiyo itakusanywa katika vyanzo mbalimbali vya mapato ya ndani hadi mwezi Juni 2018.

MCHANGO WA JAMII

Halmashauri imehamasisha jamii kupitia vikao vya Mendeleo ya Kata  kushiriki katika kuchangia ujenzi wa maboma ya vyumba vya madarasa, zoezi ambalo linaendelea mpaka sasa.

KUSHIRIKISHA WADAU MBALIMBALI WA MAENDELEO.

Halmashauri imepanga kukutana na wadau mbalimbali wa maendeleo kwa ajili ya kujadili kwa pamoja utatuzi wa mapungufu haya ili ifikapo tarehe 08/01/2018 wanafunzi wapate mahali pa kujifunzia.