TASAF yaja na Mpango mpya kwa Walengwa wake

Imewekwa: April 13th, 2018

Walengwa wa Mradi wa TASAF awamu ya tatu wameletewa mpango wa 'Kuweka akiba na kukuza uchumi'. Akiongea katika ufunguzi wa mafunzo kwa wawezeshaji wa TASAF, Mwezeshaji ngazi ya TAIFA amesema kuwa  Mpango huu unaimarisha  uwezo wa kaya  wa kufanya shughuli za kuzalisha kipato ili kujikwamua kiuchumi na kutoka kwenye umaskini. Lengo kuu ni Kuwabadilisha kifikra walengwa na kuwapa stadi na uelewa wa kuzalisha kwa tija. Pia kuwawezesha walengwa kuwa na njia Zaidi ya moja ya kuzalisha kipato na kujua mbinu za kuongeza thamani ili kupata soko lililo bora

Mkakati umeandaliwa ambao umetambua maeneo makuu manne ya kutekelezwa katika mpango huu ambazo ni Kuhamasisha walengwa kuunda vikundi vya kuweka akiba Kuwapa mafunzo ya stadi mbalimbali zikiwemo za kujitambua, ujasiriamali, utunzaji wa kumbukumbu na Kuwapa mtaji wa uzalishaji, Ufuatiliaji na utoaji elimu kwa Vitendo.