"Mkurugenzi ni mtekelezaji wa ahadi za Rais" Makamu wa Rais

Imewekwa: March 1st, 2019

Makamu wa Rais Mhe. Samia Suluhu Hassan amesema kuwa utekelezaji wa ahadi zilizowekwa na Rais zinaweza kufanywa na Mkurugenzi kwani ndio mtekeleza wa ilani ya Chama Tawala kwa ngazi ya Halmashauri. Ameyasema hayo mapema leo alipokuwa akijibu hoja ya Mhe. Kibela Kishimba Mbunge Wa Kahama juu ya ahadi ya Mhe. Rais kuhusu barabara za lami  kwenye Uwanja wa Halmashauri alipokuwa akihutubia wananchi. 

Mhe. Samia amesema kuwa anachokifanya mkurugenzi ni sehemu ya utekelezaji wa ahadi za Rais.

"Msitegemee kwamba Rais atakuja hapa na hela aseme nimeleta hela ya kilomita kumi za barabara,hapana, naomba Halmashauri ibajeti na iweke hapo kuwa ni ahadi za rais... lakini niseme kwamba nimpongeze sana Mkurugenzi wa Halmashauri, nina taarifa kwamba amepasua barabara nyingi za vumbi, kwahiyo hiyo ndio kazi inatakiwa kufanywa.

Makamu wa Rais yupo kahama kwa ziara ya siku tatu ambayo itaishia tarehe 3/3/2019.