Leo ni Siku ya Ukimwi Duniani, Halmashauri ya Mji Kahama yaungana na nchi zingine kuadhimisha siku hii

Imewekwa: December 1st, 2017

Dunia yote leo inafanya kumbukumbu ya siku ya Ukimwi, ugonjwa ambao kwa zaidi ya miaka 30 umeitetemesha jamii kutokana na kutokuwa na tiba wala kinga. Takwimu zinazotolewa zinaonyesha kuwa maambukizi mapya yamekuwa  yakipungua kwa kiasi kikubwa, ingawa hali halisi ni kwamba ugonjwa huo  bado upo katikati yetu.

Kwa Halmashauri ya Mji Kahama Maadhimisho hayo yamefanyika katika viwanja vya ofisi ya Mkurugenzi maeneo ya Nyihogo ambapo Mwenyekiti wa Halmashauri ya Mji Mh. Abel Shija Kishushu alikuwa mgeni rasmi.

katika hotuba yake Mh. Kishushu amewaasa vijana kuwa na misimamo katika masuala ya mahusiano na kuitaka jamii kubadilika tabia.