KUELEKEA MAADHIMISHO YA SIKU YA WANAWAKE DUNIANI NDANI YA MJI WA KAHAMA

Imewekwa: March 7th, 2017

Machi 8, 2017, Wana Kahama wataungana na nchi wanachama wa Umoja wa Mataifa, katika kuadhimisha Siku ya Wanawake Duniani. Afisa Maendeleo ya Jamii Wa Mji wa Kahama Ndg. Robert Kwela amesema kuwa Maadhimisho hayo yatafanyika katika Uwanja wa Halmashauri (Uwanja wa Taifa) uliopo Kata ya Majengo  Mji wa Kahama kuanzia saa 4 asubuhi na Mgeni Rasmi anatarajiwa kuwa Mkuu wa Wilaya ya Kahama Ndg. Fadhili Nkurlu.

Maadhimisho yataambatana na Matukio yafuatayo:

1. Kutoa msaada wa Vitenge kwa Wajane 24 wasiojiweza
2. Uchangiaji wa damu wa hiari
3. Upimaji wa afya ya kina Mama kwa Magonjwa yasiyoambukiza
4. Kutoa msaada wa sabuni,, mafuta,dawa ya meno n.k kwa Wagonjwa wodi ya Wazazi na Wanawake

Kaulimbiu ya Siku ya Wanawake Duniani kitaifa kwa mwaka 2017 inasema  ‘Tanzania ya Viwanda; Wanawake ni Msingi wa Mabadiliko ya Kiuchumi.’ Kaulimbiu hii inasisitiza kuwajengea  wanawake uwezo wa kitaaluma, kibiashara, upatikaji wa mitaji, masoko na mikopo ili waweze kushiriki kwa usawa, na kunufaika na fursa zilizopo badala ya kuwa wasindikizaji tu.

Aidha, ujumbe wa Kaulimbiu ya mwaka huu imezingatia Sera ya Maendeleo ya Wanawake na Jinsia (2000), na Ajenda ya 2030 ya Maendeleo Endelevu hususan lengo namba 5 kuhusu usawa wa jinsia na uwezeshaji wanawake kiuchumi.