Katibu Mkuu Viwanda na Biashara aimwagia sifa Kahama

Imewekwa: May 16th, 2020

Katibu Mkuu wa wizara ya viwanda na biashara, Prof. Riziki Shemdoe  ahitimisha ziara yake ya kazi Wilayani Kahama. Katika ziara hiyo Katibu Mkuu ametembelea Maeneo ya Viwanda ikiwemo Eneo la Chapulwa ambapo kuna mwekezaji wa ndani anayejenga kiwanda cha vinywaji na uchakataji wa nafaka, Eneo la Viwanda vidogo na vikubwa Bukondamoyo na ukanda maalum wa Uchumi "Special Economic Zone" Nyashimbi ambapo Halmashauri imetenga ekari 2000 na imetoa jumla ya ekari 62 kwa EPZA kwa ajili ya uwekezaji huo.

"Mkurugenzi na timu yako mmefanya kazi kubwa sana, na niombe mamlaka zingine zikiwemo Mikoa na Halmashauri kuja Kahama Kujionea na kujifunza, kuiga sio dhambi, mmetoa viwanja bure kwa wawekezaji wakubwa na wadogo ili kuwawezesha kujenga viwanda, hii ndio kasi mheshimiwa Rais anayopigania kila siku, hivyo niwapongeze sana na niahidi kuwa EPZA inakuja Nyashimbi" Amesema Shemdoe.