DC Kahama aongoza kikao cha Kamati ya Chanjo ya Saratani ya Mlango wa Kizazi

Imewekwa: April 20th, 2018

Mkuu wa Wilaya ya Kahama Mhe. Fadhili Nkurlu amefungua Kikao cha Kamati ya Chanjo ya Saratani ya Mlango wa Kizazi Wilaya ya Kahama ambacho kimefanyika Ukumbi wa Halmashauri ya Mji Kahama mapema leo.

Kikao hiko ni cha maandalizi ya uzinduzi wa Chanjo ya Mlango wa Kizazi unaotarajiwa kufanyika Tarehe 23.04.2018.

"Lengo la kuanzisha Chanjo ya Saratani ya Mlango wa Kizazi ni kukinga mabinti wetu kutokana na madhara makubwa yanayoweza kuwapata ambayo husababisha vifo vingi kwa wanawake na hivyo kuboresha afya za jamii ya wanawake" Amesema DC

Akiwasilisha mada, Bi. Carol Marcel kutoka Hospitali ya Mji wa Kahama amesema kuwa kansa ya Malngo wa Kizazi inachangiwa na vitu vifuatavyo:

• kuanza kujamiiana katika umri mdogo, 
• kuwa na wapenzi wengi,
•  kuwa na ndoa za mitala,
•  kuzaa watoto wengi, uvutaji wa sigara. 

Dalili za Saratani hii ni kutokwa na damu ya hedhi bila mpangilio, kutokwa na damu baada ya kujamiiana, maumivu ya mgongo, miguu na kiuno, kuchoka, kupungua uzito, kupungukiwa au kukosa hamu ya kula, kutokwa uchafy wa rangi ya kahawia au wenye damu kwenye uke. Dalili mbaya zaidi ni pamoja na kuishiwa damu, figo kushindwa kufanya kazi, kupatwa na fistula na uvimbe wa tezi