Jamhuri ya Muungano wa Tanzania Ofisi ya Rais Tawala za Mikoa na Serikali za Mitaa Halmashauri ya Manispaa ya Kahama

"Kahama mmetekeleza" Mhe. Ummy"

Imewekwa: May 29th, 2021

Waziri wa Nchi Ofisi ya Rais Tawala za Mikoa na Serikali za Mitaa Mhe. Ummy Mwalimu ameridhishwa na utekelezaji wa Miradi ya Maendeleo unaofanywa na Manispaa ya Kahama.

Amesema hayo mapema leo alipokuwa kwenye ziara ya kikazi kwenye Manispaa ya Kahama.

Mhe. Ummy ametembelea miradi ya Ujenzi wa Jengo la Kituo cha afya Nyasubi, ujenzi wa jengo la wagonjwa wa nje "OPD" Hospitali ya Manispaa, Shule ya Sekondari Nyihogo, ujenzi wa jengo la Ofisi za Manispaa, na Eneo la Viwanda Zongomera.

Pia Waziri amepata wasaa wa kuzungumza na Kamati ya Fedha na Utawala ya Manispaa na Timu ya Wataalamu wa Manispaa ya Kahama "CMT".