Mkurugenzi Wa Mji Kahama atimiza ahadi yake aliyotoa akiwa na Mkuu wa Mkoa

Imewekwa: February 27th, 2018

Mkurugenzi Wa Mji Kahama Ndg. Anderson Msumba leo ametimiza ahadi aliyoitoa wakati wa ziara ya Mkuu wa mkoa wa Shinyanga kwa kutoa mifuko ya mbolea 24, Mabomba ya Kunyunyizia dawa mawili na kemikali za kuua wadudu kwa Bw. Richard Masumbuko mkulima wa  pamba wa Kijiji cha Ngulu Kata ya Ngogwa. 

Akikabidhi pembejeo hizo kwa niaba ya Mkurugenzi Ndg. Samson F. Sumuni ambaye ni Afisa Kilimo,  Umwagiliaji na Ushirika wa Mji wa Kahama amemuasa Bw. Masumbuko kutumia pembejeo hizo katika lengo lililokusudiwa na kutumia muda wake kuwashawishi vijana wengine kujikita katika kilimo ili kujikwamua katika maisha. 

Bw. Masumbuko amelima ekari 24 za Pamba mwaka huu na alionesha kukwama katika mbolea na madawa.