Maafisa Ardhi Mji wa Kahama watoa elimu kwa Wananchi kupitia Mikutano ya Hadhara juu ya Upimaji Shirikishi wa Ardhi

Imewekwa: June 1st, 2017

Ushirikishwaji wa Jamii katika masuala ya Maendeleo ni moja kati ya nyenzo kubwa sana katika kuyafikia Malengo. Kwa kulitambua hilo,Ofisi ya Mkurugenzi Halmashauri ya Mji wa Kahama kupitia  idara ya Ardhi Mipango  Miji na Maliasili itafanya upimaji shirikishi kwa kurasimisha makazi holela (Urban upgrading) katika Kata ya Kagogwa katika vijiji Vya Kagongwa,Kishima,Iponya Na kuukipanga Kijiji cha Gembe,mapema wikii hii wamefanya  mikutano ya hadhara katika vijiji vyote vinne kwa nyakati tofauti wakitoa elimu juu ya umuhimu wa zoezi hilo la upimaji, Akiwa anawasilisha mada ya upimaji na umilikishaji Afisa Ardhi  Ndg. Lewis Luitbold Milanzi amewataka wananchi kutoa ushirikiano pindi wapimaji watakapokuwa wanatekeleza zoezi hilo na pia kutambua mipaka ya Maeneo yao pamoja na kuyatambua Yale maeneo yote yaliyotengwa kwa ajili ya huduma za Jamii kama masoko, zahanati,shule, barabara pamoja na maeneo ya wazi ili kuepusha migogoro wakati wa zoezi la upimaji litakapoanza wiki ijayo ambapo zoezi hili litaanza katika Kijiji cha Iponya.